Almatyda moped júrgizýshilerine baqylaý kúsheıtildi

ASTANA. KAZINFORM — «Qaýipsiz jol» respýblıkalyq jedel-profılaktıkalyq is-sharasy aıasynda Jetisý aýdanynyń patrýldik polıtsııa qyzmetkerleri jol qozǵalysy erejeleriniń saqtalýyn qatań baqylaýǵa aldy. Bul týraly Polisia.kz habarlady.

Ásirese, keıingi ýaqytta jıilep ketken eki dóńgelekti kólik quraldaryn basqarýshylar arasyndaǵy zań buzýshylyqtarǵa erekshe nazar aýdarylyp jatyr. 

Bar bolǵany eki kúnniń ishinde moped pen skýter júrgizýshilerine qatysty 360-tan astam quqyq buzýshylyq anyqtaldy. Onyń ishinde memlekettik tirkeý nómirinsiz, saqtandyrý polısi men júrgizýshi kýáliginsiz kólik basqarý, jol belgileri men baǵdarsham talaptaryn elemeý sekildi óreskel zań buzýshylyqtar bar. Іs-shara barsynda 200-den astam kólik arnaıy aıyppul turaǵyna qoıyldy.

— Moped pen skýter júrgizýshileriniń jaýapsyz áreketterine jol berýge bolmaıdy. Biz tek profılaktıkalyq jumys júrgizip qana qoımaı, zań aıasynda naqty sharalar qabyldaımyz. Jol qozǵalysy erejeleri — jaı usynys emes, ol barshaǵa ortaq mindet, - dedi Jetisý aýdandyq polıtsııa basqarmasynyń bastyǵy Jánibek Shynasılov.

Qazirgi tańda aýdandyq polıtsııa qyzmetkerleri kúsheıtilgen tártipke kóshti. Arnaıy jasaqtar kún saıyn kóshelerdi aralap, mektep mańynda jáne aýlalarda reıdtik is-sharalar júrgizip jatyr.