Almatyda myńnan astam moped tirkeldi
ALMATY. KAZINFORM – Almatyda mopedterdi tirkeý naýqany júrip jatyr.
Almatynyń ákimshilik polıtsııasy mopedti tirkeý naýqany bastalǵaly beri myńnan astam kólik quraly memlekettik nómer men tehnıkalyq tólqujat alǵanyn habarlady.
– Moped júrgizýshileriniń A1 sanatyndaǵy júrgizýshi kýáligi bolýy kerek ekenin eske salamyz. Osy jyldyń 5 sáýirinen bastap mopedterdi mehanıkalyq kólikterge teńestiretin zańnamalyq túzetýler kúshine enedi. Osy kúnnen bastap mopedterdi polıtsııada tirkelgennen keıin jáne tıisti júrgizýshi kýáligi bolǵannan keıin ǵana paıdalanýǵa ruqsat etiledi, - dedi qalalyq ákimshilik polıtsııa basqarmasy Protsessıng ortalyǵynyń basshysy Aıdyn Merkimbaev.
Eske salaıyq, 11 qańtardan bastap pılottyq joba aıasynda mopedterdi tirkeýge ruqsat beretin erejeler kúshine engenin jazǵanbyz.