Almatyda meıramhana órtendi
Almatyda túnde Modi Restoranchik meıramhanasynyń shatyry órtendi, dep habarlaıdy Kazinform.
Onyń vıdeosy áleýmettik jelide tarady. Almaty qalasy Tótenshe jaǵdaılar departamentiniń habarlaýynsha, elektr symdarynyń qysqa tuıyqtalýy saldarynan órt sóndirýshilerge toq soǵý qaýpi tóngen.
«Joǵary dárejedegi shaqyrtýmen jiberilgen órt sóndirýshiler oqıǵa ornyna 5 mınýtta jetti. Alaıda órt sóndirýshilerge qaýip týyndady – 380 voltty elektr jelisiniń toq kózderi ashyq bolǵan. Jeke quramnyń arasynda qaıǵyly oqıǵalardy boldyrmaý maqsatynda, jedel kelgen avarııalyq energetıka qyzmet brıgadasy nysandy toq kózden ajyratyp tostaǵansha kútýine týra keldi», - dep habarlady departamentten.
Qyzyl jalyn «Modi Restoranchik» meıramhanasynyń 95 sharshy metr shatyryn sharpydy.
Qabyldanǵan shara boıynsha meıramhana qyzmetkerleri úshin jaqyn ornalasqan turmystyq úı-jaılar órtten qorǵaldy.
Órtti joıýǵa 30 adam men 8 tehnıka jumyldyryldy.
Tótenshe jaǵdaılar departamenti órt sóndirýshilerdiń qyzyl jalyndy qalaı sóndirgenin de kórsetti.
Posmotret etý pýblıkatsııý v Instagram
