Almatyda magnolııa aǵashtarynyń gúldeý maýsymy bastaldy
ALMATY. KAZINFORM — Almatynyń Bas botanıkalyq baǵynda magnolııalardyń gúldeý maýsymy bastalyp ketti.
Erekshe kadrlarmen megapolıstiń botanıkalyq baǵy áleýmettik jelide bólisti. Onda aǵash butalarynyń kúlgin ne aq túste gúldep, aınalaǵa kórik berip turǵanyn kórýge bolady.
— Olardyń iri ári názik gúlderi kóktemde jańaryp kele jatqan jasyl jelektiń aıasynda erekshe ásem kórinip, naǵyz kóktemgi ertegi atmosferasyn syılaıdy. Bul kezeń uzaqqa sozylmaıdy. Sondyqtan dál qazir magnolııalardyń sulýlyǵynan lázzat alýǵa tamasha múmkindik bar, — dep jazdy baq baspasóz qyzmeti.
Eske salaıyq, Almatynyń botanıkalyq baǵy 1 sáýirden bastap jańa jumys kestesine aýysty. Endi mekeme qala turǵyndary men qonaqtaryn tańǵy saǵat 9:00–den 20:00–ge deıin qabyldaıdy.
Sondaı-aq 2026 jyldyń 1 qańtarynan bastap botanıkalyq baqtyń kirý bıletteriniń baǵasy ósken bolatyn.