Almatyda Prezıdent atynan mádenıet qaıratkerlerine 60 páter tabystaldy

Almatyda Mádenıet jáne óner qyzmetkerleri kúnine oraı Prezıdent atynan 60 páterdiń kilti men 13 memlekettik nagrada tabystaldy

Almatyda Mádenıet jáne óner qyzmetkerleri kúnine arnalǵan saltanatty is-shara ótti. Jıynda QR Premer-Mınıstriniń orynbasary — Mádenıet jáne aqparat mınıstri Aıda Balaeva Memleket basshysynyń atynan sala ókilderine memlekettik nagradalar men páter kiltterin tabystady.

Kásibı merekemen quttyqtaǵan Aıda Balaeva Memleket basshysynyń atynan mádenıet jáne óner salasynyń ókilderine berilgen nagradalar olardyń qajyrly eńbegine, kásibı adaldyǵyna jáne ulttyq mádenıetti damytýǵa qosqan úlesine kórsetilgen joǵary qurmet ekenin atap ótti.

— Memleket basshysynyń qoldaýy tek marapatpen ǵana shektelmeıdi. Sala qyzmetkerleriniń áleýmettik jaǵdaıyn jaqsartý, onyń ishinde turǵyn úı máselesin sheshý baǵytynda da naqty jumystar júrgizilip jatyr. Ózderińiz bilesizder, ótken jyly Prezıdent atynan Astana qalasynda mádenıet jáne óner qyzmetkerlerine páter sertıfıkattary tabystaldy. Bıyl bul ıgi bastama jalǵasyp, Almaty qalasynda da sala ókilderine páter kilti tabystalmaq. Mundaı qoldaý shyǵarmashylyq adamdarynyń eńbegin naqty ispen baǵalaýdyń aıqyn kórinisi. Sizderge tabystalǵaly otyrǵan jańa páterler — el ıgiligi jolyndaǵy adal qyzmetterińizge kórsetilgen qurmet pen rızashylyqtyń belgisi. Bul shańyraqtar sizderge qut-bereke, shyǵarmashylyq shabyt, otbasylaryńyzǵa shattyq ákelsin! Osy oraıda barlyq mádenıet jáne óner qyzmetkerleriniń atynan Memleket basshysyna salaǵa turaqty kóńil bólip, shyǵarmashylyq qaýymǵa jan-jaqty qoldaý kórsetip kele jatqany úshin shynaıy alǵys bildiremin, — dedi Aıda Balaeva.

Osylaısha, Memleket basshysynyń atynan mádenıet jáne óner salasynyń ókilderine 60 páterdiń kilti tabystaldy. Turǵyn úı qoldaýyna ıe bolǵandardyń qatarynda jetekshi teatrlar men mýzykalyq ujymdardyń, bilim berý uıymdarynyń, kitaphanalar, arhıvter, mýzeıler, baspa jáne ádebıet salasynyń ókilderi, sondaı-aq mádenıet mekemeleriniń turaqty jumysyn qamtamasyz etip júrgen mamandar bar.

Bes adam turǵyn úı sertıfıkattaryn keshe Memleket basshysynyń óz qolynan alǵan bolatyn.

Atap aıtqanda, Abaı atyndaǵy Qazaq ulttyq opera jáne balet teatrynyń ártisi Nurbolat Nuralıev úsh bólmeli páterge ıe boldy. Onyń mádenıet salasyndaǵy eńbek ótili 19 jyldan asady.

Ahmet Jubanov atyndaǵy daryndy balalarǵa arnalǵan mamandandyrylǵan qazaq mýzyka mektep-ınternatynyń oqytýshysy Sanııa Ospanqulovaǵa da úsh bólmeli páter berildi. Ol atalǵan salada 24 jyldan astam ýaqyt eńbek etip keledi.

Respýblıkalyq akademııalyq nemis drama teatrynyń ártisi Igor Popov eki bólmeli páterge ıe boldy.

Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń ártisi Anar Ádilovaǵa úsh bólmeli páter tabystaldy. Aktrısa mádenıet jáne óner salasynda 15 jyldan astam ýaqyt eńbek etip keledi.

Qurmanǵazy atyndaǵy Qazaq ulttyq konservatorııasynyń oqytýshysy Araı Asqar da úsh bólmeli páter ıesi atandy. Onyń saladaǵy eńbek ótili — 14 jyl.

Al búgin Almatyda Aıda Balaeva Prezıdent atynan taǵy 55 mádenıet qaıratkerine páter kiltin tabystady. Olardyń qatarynda Jambyl atyndaǵy Qazaq ulttyq fılarmonııasynyń bas dırıjeri Qanat Omarov bar. Mádenıet salasynda 16 jyldan astam ýaqyt eńbek etip kele jatqan óner ıesi eki bólmeli páterge ıe boldy.

Dilshat Amanbaev — Respýblıkalyq memlekettik akademııalyq uıǵyr mýzykalyq komedııa teatrynyń drama ártisi. Saladaǵy eńbek ótili 22 jyldan asady. Oǵan eki bólmeli páter berildi.

Abaı atyndaǵy Qazaq ulttyq opera jáne balet teatrynyń solısi Islam Hamzaev eki bólmeli páterge ıe boldy.

Natalııa Sats atyndaǵy Memlekettik akademııalyq orys balalar men jasóspirimder teatrynyń ártisi Irına Arnaýtovaǵa eki bólmeli páter tabystaldy. Onyń eńbek ótili — 33 jyl.

Sondaı-aq Natalııa Sats atyndaǵy Memlekettik akademııalyq orys balalar men jasóspirimder teatrynyń ártisi Artem Seleznev te eki bólmeli páter ıesi atandy.

Jambyl atyndaǵy Qazaq ulttyq fılarmonııasynyń kontsertmeısteri ári orkestr solısi Abaı Qoıshybaevqa eki bólmeli páter berildi. Ol salada 19 jyldan astam ýaqyt eńbek etip keledi.

Respýblıkalyq memlekettik akademııalyq koreı teatrynyń joǵary sanatty ártisi Konstantın Pak eki bólmeli páterge ıe boldy.

Jazýshy, aqyn Jandos Álimbetovke eki bólmeli páter tabystaldy.

M. Lermontov atyndaǵy Memlekettik akademııalyq orys drama teatrynyń birinshi sanatty ártisi Ilıa Shılkın eki bólmeli páter ıesi atandy.

Respýblıkalyq memlekettik akademııalyq koreı teatrynyń bas rejısseri Ekaterına Penge bir bólmeli páter berildi.

Muhtar Áýezov atyndaǵy Qazaq ulttyq drama teatrynyń ártisi Shaıza Ahmetova eki bólmeli páterge ıe boldy. Onyń mádenıet jáne óner salasyndaǵy eńbek ótili 55 jyldan asady.

«Kamerata Qazaqstan» klassıkalyq mýzyka ansambliniń ártisi Salaýat Káribaevqa bir bólmeli páter tabystaldy.

Qaırat Madenov — Jambyl atyndaǵy Qazaq ulttyq fılarmonııasynyń ártisi. Mádenıet salasynda 32 jyldan astam ýaqyt eńbek etip kele jatqan óner ıesine úsh bólmeli páter berildi.

Jambyl atyndaǵy Qazaq ulttyq fılarmonııasynyń kórkemdik jetekshisi Baýyrjan Jılkıbaev eki bólmeli páterge ıe boldy. Onyń saladaǵy eńbek ótili — 15 jyl.

Aleksandr Seleznev atyndaǵy Almaty horeografııalyq ýchılışesiniń oqý isiniń meńgerýshisi ári oqytýshysy Nadejda Gaalǵa úsh bólmeli páter tabystaldy. Ol osy salada 26 jyldan astam ýaqyt eńbek etip keledi.

Petr Chaıkovskıı atyndaǵy Almaty mýzykalyq kolledjiniń oqytýshysy Leıla Alhojaeva úsh bólmeli páterge ıe boldy. Onyń óner salasyndaǵy eńbek ótili 15 jyldan asady.

Oral Tańsyqbaev atyndaǵy Almaty sándik-qoldanbaly óner kolledjiniń arnaıy pánder oqytýshysy Sholpan Berkimbaevaǵa eki bólmeli páter berildi.

«Kamerata Qazaqstan» klassıkalyq mýzyka ansambli dırektorynyń orynbasary Baıan Baıseıtova úsh bólmeli páter ıesi atandy. Onyń eńbek ótili — 16 jyl.

Respýblıkalyq memlekettik akademııalyq uıǵyr mýzykalyq komedııa teatry dırektorynyń orynbasary Nadırıam Omarovaǵa eki bólmeli páter tabystaldy. Onyń saladaǵy eńbek ótili — 14 jyl.

Temirbek Júrgenov atyndaǵy Qazaq ulttyq óner akademııasy mektep-ınternat, kolledjiniń oqytýshysy Alfııa Serikqyzy eki bólmeli páterge ıe boldy. Ol osy salada 21 jyl eńbek etip keledi.

Kúlásh Baıseıitova atyndaǵy daryndy balalarǵa arnalǵan respýblıkalyq mamandandyrylǵan mýzykalyq orta mektep-ınternaty dırektorynyń tárbıe isi jónindegi orynbasary Aıan Soqpaevaǵa bir bólmeli páter berildi. Onyń eńbek ótili — 14 jyl.

Qalam Media jobasynyń redaktory, aqyn Bekzat Smadııar eki bólmeli páter ıesi atandy.

Qazaqstan Jazýshylar odaǵy basqarmasy apparatynyń jetekshisi, aqyn Edilbek Dúısenovke eki bólmeli páter tabystaldy.

«Bilim qazyna» qoǵamdyq qorynyń tilshisi, aqyn Nurbek Nurjanuly eki bólmeli páterge ıe boldy.

Qazaqstan Respýblıkasy Ulttyq ortalyq mýzeıiniń bólim basshysy Aıgerim Tólegenovaǵa úsh bólmeli páter berildi.

Muhtar Áýezov atyndaǵy Qazaq ulttyq drama teatrynyń býhgalteri Janat Estemisova eki bólmeli páter ıesi atandy. Onyń eńbek ótili — 25 jyl.

«Qazqaıtajańartý» respýblıkalyq memlekettik kásipornynyń bas býhgalteri Elmıra Abenbaevaǵa eki bólmeli páter tabystaldy. Ol osy salada 24 jyl eńbek etip keledi.

Ásem Ahmetjanova — Oral Tańsyqbaev atyndaǵy Almaty sándik-qoldanbaly óner kolledji kadr bóliminiń ınspektory. Oǵan eki bólmeli páter berildi.

Qazaqstan Respýblıkasy Ulttyq ortalyq mýzeıiniń qor saqtaý bóliminiń mamany Nurbolat Málik eki bólmeli páterge ıe boldy.

Zaǵıp jáne nashar kóretin azamattarǵa arnalǵan respýblıkalyq kitaphananyń Braıl qarpi boıynsha redaktory Nýrııa Baımuratovaǵa úsh bólmeli páter tabystaldy. Onyń eńbek ótili — 20 jyl.

Zaǵıp jáne nashar kóretin azamattarǵa arnalǵan respýblıkalyq kitaphananyń kitaphanashysy Dınara Muqasheva bir bólmeli páter ıesi atandy.

Ortalyq memlekettik ǵylymı-tehnıkalyq qujattama arhıviniń joǵary dárejeli mamany, muraǵatshy Aıǵanym Baıtýovaǵa úsh bólmeli páter berildi. Ol — tórt balanyń anasy, saladaǵy eńbek ótili 17 jyl.

Ulttyq memlekettik kitap palatasynyń bıblıografy Aıjan Arystanbekova eki bólmeli páterge ıe boldy.

Aleksandr Seleznev atyndaǵy Almaty horeografııalyq ýchılışesiniń materıaldyq esep býhgalteri Aıjan Qýanyshevaǵa eki bólmeli páter tabystaldy.

Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń kórermenderge qyzmet kórsetý bólimi baqylaýshysy Araılym Súleımenova eki bólmeli páter ıesi atandy. Onyń eńbek ótili — 26 jyl.

Steppe World Publishing baspasynyń redaktory, aqyn Asylan Qýanyshulyna úsh bólmeli páter berildi.

Júsipbek Elebekov atyndaǵy respýblıkalyq estrada-tsırk kolledji dırektorynyń oqý jumysy jónindegi orynbasary Dáýlet Kanlybaev eki bólmeli páterge ıe boldy.

Júsipbek Elebekov atyndaǵy respýblıkalyq estrada-tsırk kolledjiniń oqytýshysy Aqbota Qaldybaıǵa eki bólmeli páter tabystaldy.

Abaı atyndaǵy Qazaq ulttyq opera jáne balet teatrynyń ártisi Syrym Aıýpov bir bólmeli páter ıesi atandy.

Sháken Aımanov atyndaǵy «Qazaqfılm» ulttyq kınostýdııasynyń jetekshi mamany Áset Ernazarovqa eki bólmeli páter berildi. Onyń eńbek ótili — 42 jyl.

Qurmanǵazy atyndaǵy Qazaq ulttyq halyq aspaptary orkestriniń ártisi Ardaq Itekeeva úsh bólmeli páterge ıe boldy. Ol salada 24 jyl eńbek etip keledi.

Sháken Aımanov atyndaǵy «Qazaqfılm» ulttyq kınostýdııasynyń mamany Aqqaısha Baımuratovaǵa eki bólmeli páter tabystaldy. Onyń jalpy eńbek ótili 50 jyldan asady.

Gaýhar Asylova — Qazaqstan Respýblıkasy Ortalyq memlekettik kıno-foto qujattar men dybys jazbalary arhıviniń arhıv qoımasynyń meńgerýshisi. Eńbek ótili — 12 jyl. Oǵan eki bólmeli páter berildi.

Qazaqstan Respýblıkasynyń Ulttyq kitaphanasynyń joǵary dárejeli kitaphanashysy Aıjan Ahmetova eki bólmeli páterge ıe boldy. Onyń eńbek ótili — 36 jyl.

Ortalyq memlekettik arhıvtiń bólim basshysy Damıra Mahanovaǵa tórt bólmeli páter tabystaldy. Ol — alty balanyń anasy, saladaǵy eńbek ótili — 14 jyl.

Zaǵıp jáne nashar kóretin azamattarǵa arnalǵan respýblıkalyq kitaphananyń bas býhgalteri Sáýle Sembaeva eki bólmeli páter ıesi atandy. Onyń eńbek ótili — 20 jyl.

Ulttyq memlekettik kitap palatasynyń bólim basshysy Quralaı Qoshanovaǵa eki bólmeli páter berildi.

Qazaqstan Respýblıkasynyń Ulttyq kitaphanasynyń kitaphanashysy Aıjan Dúısebaeva eki bólmeli páterge ıe boldy. Onyń eńbek ótili — 25 jyl.

Qazaqstan Respýblıkasynyń Memlekettik «Saltanat» bı ansambliniń kostıým tsehynyń sheberi Vıktorııa Ponomarevaǵa eki bólmeli páter tabystaldy. Ol osy salada 28 jyl eńbek etip keledi.

Á. Qasteev atyndaǵy Qazaqstan Respýblıkasy Ulttyq óner mýzeıiniń ekskýrsovody Sholpan Nuǵmanova úsh bólmeli páter ıesi atandy. Onyń eńbek ótili — 32 jyl.

Kúlásh Baıseıitova atyndaǵy daryndy balalarǵa arnalǵan respýblıkalyq mamandandyrylǵan mýzykalyq orta mektep-ınternatynyń tehnıkalyq qyzmetkeri Sáýle Bilálǵa eki bólmeli páter berildi.

Ahmet Jubanov atyndaǵy daryndy balalarǵa arnalǵan respýblıkalyq mamandandyrylǵan qazaq mýzyka mektep-ınternatynyń býhgalteri Madına Dorjınova úsh bólmeli páterge ıe boldy. Ol — bes balanyń anasy, eńbek ótili 20 jyldan asady.

Á. Qasteev atyndaǵy Qazaqstan Respýblıkasy Ulttyq óner mýzeıiniń ınspektory Madına Orynbasarovaǵa eki bólmeli páter tabystaldy.

Qurmanǵazy atyndaǵy Ulttyq halyq aspaptar orkestriniń tehnıkalyq qyzmetkeri Jańyl Ergeshbaeva eki bólmeli páter ıesi atandy.

Petr Chaıkovskıı atyndaǵy Almaty mýzykalyq kolledjiniń tehnıkalyq qyzmetkeri Altynaı Nııatbaevaǵa eki bólmeli páter berildi.

Osylaısha, turǵyn úı qoldaýy mádenıet salasynyń san túrli baǵytyn qamtydy. Olardyń qatarynda jetekshi teatrlardyń ártisteri men ulttyq ujymdardyń mýzykanttary, oqytýshylar, kitaphanashylar, arhıvshiler, mýzeı qyzmetkerleri, býhgalterler, kadr mamandary, tehnıkalyq qyzmetkerler jáne mádenıet mekemeleriniń turaqty jumysyn qamtamasyz etip júrgen ózge de sala ókilderi bar.

Sonymen qatar Qazaqstan Respýblıkasy Prezıdentiniń Jarlyǵymen mádenıet salasyndaǵy úzdik jetistikteri jáne Qazaqstan Respýblıkasyna sińirgen aıryqsha eńbegi úshin salanyń 13 ókili memlekettik nagradalarmen jáne qurmetti ataqtarmen marapattaldy. Memleket basshysynyń atynan joǵary marapattar otandyq mádenıet pen ónerdiń damýyna eleýli úles qosqan teatr, mýzyka, horeografııa, ádebıet jáne ǵylym salasynyń qaıratkerlerine tabystaldy.

«Parasat» ordenimen:

• Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń ártisi Raıhan Qalıoldına,
• Qazaqstan Respýblıkasynyń «Saltanat» memlekettik bı ansambliniń pedagog-horeografy Sultan Bapov,
• Qurmanǵazy atyndaǵy Qazaq ulttyq konservatorııasynyń professory Tańatar Nuraly,
• Muhtar Áýezov atyndaǵy Ádebıet jáne óner ınstıtýtynyń jetekshi ǵylymı qyzmetkeri Tursynjan Shapaı,
• aqyn, Qazaqstan Jazýshylar odaǵynyń múshesi Daraja Balapan,
• aktrısa, ánshi Qarakóz Tileýbekova,
• «MýzART» tobynyń solısi, kompozıtor Meırambek Besbaev marapattaldy.

«Qurmet» ordenimen:

• T.Ábdirashev atyndaǵy Qazaqstan Respýblıkasynyń memlekettik akademııalyq sımfonııalyq orkestriniń bas dırıjeri Qanat Omarov,
• Ahmet Jubanov atyndaǵy daryndy balalarǵa arnalǵan respýblıkalyq mamandandyrylǵan qazaq mýzyka mektep-ınternatynyń pedagogi Kúzembaı Bektaev,
• «Samat shoý tehnık» jaýapkershiligi shekteýli seriktestiginiń quryltaıshysy, prodıýser Mıhaıl Romanıýk marapattaldy.

«Qazaqstannyń halyq ártisi» qurmetti ataǵy Lermontov atyndaǵy Ulttyq orys drama teatrynyń akteri Vıtalıı Grıshkoǵa berildi.

«Qazaqstannyń eńbek sińirgen qaıratkeri» qurmetti ataǵyna Temirbek Júrgenov atyndaǵy Qazaq ulttyq óner akademııasynyń professory Murat Ábzelbaev ıe boldy.

«Qorjyn Grýp» jaýapkershiligi shekteýli seriktestiginiń dırektory, respýblıkalyq jáne halyqaralyq jobalardyń ıvent-menedjeri Aqsuńqar Jarylqasova marapattaldy.

Aıta keteıik, búginde Qazaqstannyń mádenıet jáne óner salasynda 60 myńǵa jýyq adam eńbek etedi. Sońǵy jyldary mádenı ınfraqurylymdy damytýǵa erekshe kóńil bólinip keledi. Keıingi bes jylda elimizde 150-den astam jańa mádenıet nysany ashyldy. Bıyl taǵy 64 nysannyń qurylysy jalǵasyp jatyr.

Budan buryn Qazaqstan Respýblıkasyna sińirgen aıryqsha eńbegi úshin bir top azamatqa memlekettik nagrada tabystalǵanyn jazǵanbyz.