Almatyda Qurmanǵazy kóshesindegi jóndeý jumystary qyrkúıek aıynyń ortasynda aıaqtalady
ALMATY. KAZINFORM – Almatyda Qurmanǵazy kóshesindegi jóndeý jumystary uzartyldy.
«Almaty jylý jelileri» mekemesinen málim etkendeı, Pýshkın kóshesinen Dostyq dańǵylyna deıin jáne Dostyq dańǵylynan Zenkov kóshesine deıingi Qurmanǵazy kóshesindegi shekteýler qyrkúıektiń ortasyna deıin uzartyldy.
«Merdiger uıym temirbeton buıymdary men qubyr ónimderin shyǵaratyn zaýyttardyń joǵary júktemesine baılanysty qurylys materıaldaryn jetkizýge jáne qurylys-montaj jumystarynyń merzimin uzartýǵa áser etkendikten, jóndeý jumystaryn uzartýǵa májbúr boldy», – delingen habarlamada.
Qazir qurylys-montaj jumystary aıaqtaldy. Merdiger uıym ýchaskeni abattandyrýǵa kiristi, bul jumystardy aýa raıynyń jaǵdaılaryn eskere otyryp, qyrkúıektiń ortasyna deıin aıaqtaý josparlanyp otyr.
Aıta keteıik, joǵaryda atalǵan aýmaqta uzyndyǵy 305 metr bolatyn jol bóliginiń astynan ótetin qubyr jelisin qaıta qurý boıynsha josparly jumys júrgizildi. Qubyr 1986 jyly paıdalanýǵa berilgen. Sońǵy 5 jylda bul ýchaskede 10-ǵa jýyq aqaý joıyldy.
Eske salaıyq, Qurmanǵazy kóshesindegi jóndeý jumystary 17 tamyzda aıaqtalýy tıis bolatyn.
