Almatyda kún qatty ysýy múmkin: Qazgıdromet eskertý jasady

ALMATY. KAZINFORM - Almaty qalalyq Tótenshe jaǵdaılar departamenti Qazgıdrometke silteme jasap aýa raıyna qatysty eskertý jarııalady.

10-11 maýsym aralyǵynda Almatyda synap baǵanasy 36 gradýsqa deıin kóteriledi. Kún qatty ystyq bolýy yqtımal.

Almaty qalalyq Tótenshe jaǵdaılar departamentiniń málimetinshe, óńirde órt qaýpiniń joǵary dárejedegi IV sanaty jarııalandy.

Sonymen qatar, qutqarýshylar qala sý aıdyndarynda balalardy qaraýsyz qaldyrmaýdy surady.

«QR ÁQBtK-niń 367-babynyń 3-bóliginde erekshe qorǵalatyn tabıǵı aýmaqtarda ormandardaǵy órt qaýipsizdigi jáne sanıtarııalyq qaǵıdalar talaptaryn buzǵany úshin jeke tulǵalarǵa –100 AEK, laýazymdy adamdarǵa, shaǵyn kásipkerlik sýbektilerine nemese kommertsııalyq emes uıymdarǵa-eki júz elý AEK mólsherinde aıyppul kózdelgen»,- dep eske saldy mamandar.

ıAǵnı, órt qaýipsizdigin buzýshy 369 200 teńge aıyppul tóleıdi.

Eske salaıyq eger, aıyppul 7 kún ishinde tólegen jaǵdaıda ońaılatylǵan óndiris tártibimen tólem eki ese az bolady.

Budan bólek, sý aıdyndaryndaǵy qaýipsizdik erejelerin buzǵany nemese oryndamaǵany úshin jaýapty tulǵalar men azamattar «Ákimshilik quqyq buzýshylyq týraly» QR Kodeksiniń 412 - baby boıynsha 7 AEK (25 myń teńge) aıyppul túrinde ákimshilik jaýapkershilikke tartylady.