Almatyda qoımadan shyqqan órt sóndirildi
ALMATY. KAZINFORM – Almatylyq qutqarýshylar Alataý aýdanynda ornalasqan qoıma úı-jaıynan shyqqan órtti sóndirdi.
QR Tótenshe jaǵdaılar mınıstrliginiń málimetinshe, órt saǵat 21.20-da joıyldy. Órttiń aýmaǵy – 180 sharshy metr.
Eske salsaq, almatylyq órt sóndirýshiler saǵat 19:43-te joǵary dáreje boıynsha Alataý aýdany, Terekti shaǵyn aýdany, Aınalmaly kóshesine jiberildi.
«Oqıǵa ornyna kelgen kezde 19:56-da angar tıpti qoıma órtenip jatqany anyqtaldy. Órt sóndirýge jeke quramnyń 29 adamy, 7 tehnıka men qalalyq árekettesý qyzmeti órtti sóndirip jatyr», - dep habarlady Almaty qalalyq TJD baspasóz qyzmeti.
Órt 20:37-de aýyzdyqtaldy. Sý kózderiniń alys bolǵany órt sóndirý jumystaryn qıyndatty. Sý tasý jumystary uıymdastyrylyp, órttiń taralý qaýpi joıylǵan edi.
