Almatyda koronavırýsqa qarsy vaktsınalar joq – Ásel Qalyqova

ALMATY. KAZINFORM – Almatyda bir aptada koronavırýs juqtyrǵandar sany artty. Bul týraly óńirlik kommýnıkatsııalar qyzmetinde ótken baspasóz máslıhaty barysynda qalanyń sanıtarlyq-epıdemıologııalyq baqylaý departamenti basshysynyń orynbasary Ásel Qalyqova aıtty.

Spıkerdiń sózinshe, epıdemııaǵa deıingi maýsymnyń basynan bastap naýqastardan alynǵan 348 materıal tumaýǵa tán emes ınfektsııalarǵa zertteldi, onyń ishinde 115 polımerazdy tizbekti reaktsııa (PTR) ádisi arqyly tekserildi: 57 synamadan rınovırýs, 11 synamadan paragrıpp, 22 synamadan RS, 5- synamadan metapnevmovırýs, 5 synamadan bokavırýs, 6 synamadan -adenovırýs, 9 synamadan maýsymdyq koronavırýs anyqtaldy.

«Koronavırýsty erte anyqtaý jumysy álsiregen joq. Bári baqylaýda. Qańtardyń basynan bastap Almatyda turǵyndar arasynda koronavırýs aýrýynyń 302 zerthanalyq rastalǵan jaǵdaıy tirkeldi. Sońǵy jeti kúnde - 9 jaǵdaı, bul ótken aptada anyqtalǵan jaǵdaılardyń sanynan eki ese kóp», - dedi epıdemıolog.

Sondaı–aq, ol qazir Almatyda koronavırýs ınfektsııasyna qarsy vaktsına joq ekenin tilge tıek etti.

«Almatyda koronavırýs ınfektsııasyna qarsy vaktsına joq. Alaıda, Densaýlyq saqtaý mınıstrligi respýblıkany QazVac vaktsınasymen qamtamasyz etý boıynsha sharalar qabyldap jatyr», - dedi Ásel Qalyqova.

Buǵan deıin Almatynyń emdeý mekemeleri kúsheıtilgen jumys rejımine kóshetini týraly jazǵan edik.