Almatyda kóppáterli turǵyn úıden órt shyǵyp, 1 áıel qaza tapty

ALMATY. KAZINFORM – Almatyda kóppáterli turǵyn úılerdiń birinen órt shyǵyp, saldarynan bir adam qaza tapty.

Qalalyq tótenshe jaǵdaılar qyzmetiniń málimetinshe, órt 1 mamyr kúni tańǵy saǵat 05:18-de Áýezov aýdanynda ornalasqan tórt qabatty úıdiń tórtinshi qabatyndaǵy páterden shyqqan.

«Áýezov aýdany №7 yqsham aýdany mekenjaıy boıynsha joǵary dárejedegi shyqartýmen jiberilgen TJD kúshteri men quraldary páterdiń 30 sharshy metr jerin sharpyǵan órtti 05-45-te oqshaýlap, 05-52-de tolyq sóndirdi. Úsh ıindi baspaldaq pen qutqarý qalpaqshasy arqyly 23 adam qutqaryldy», - dep habarlady departamentten. 

Órt ornynan 1997 jyly týǵan áıeldiń denesi tabyldy. Sondaı-aq 34 jastaǵy er adam aýrýhanaǵa jetkizildi.

Órtti sóndirýge TJD jeke quramynyń 48 mamany men 12 tehnıkasy tartyldy.