Almatyda kópqabatty úıden qulaǵan eki jasóspirim kóz jumdy

ALMATY. KAZINFORM – Almatyda eki jasóspirim qyz kópqabatty úıden qulap, oqıǵa ornynda qaıtys boldy. Jelide taraǵan aqparatty Almaty qalasy Polıtsııa departamenti rastady.

Qalalyq Polıtsııa departamentinde bul jaǵdaı boıynsha qylmystyq is qozǵalǵanyn habarlady. 

– Bul derek boıynsha Almaly aýdandyq polıtsııa Basqarmasy qylmystyq is qozǵady. Oqıǵanyń sebebi men mán-jaıy anyqtalyp jatyr, - dep habarlady qalalyq PD baspasóz qyzmetinen. 

Eske salaıyq, buǵan uqsas qaıǵyly jaǵdaı Oral qalasynda bolǵanyn jazǵanbyz. Bir kúnde eki bala kópqabatty úıdiń terezesinen qulap ketti. 

Sondaı-aq Almatyda kópqabatty úıdiń terezesinen qulaǵan áıeldiń beınejazbasy áleýmettik jelide taraǵan bolatyn.