11:04, 02 Jeltoqsan 2024 | GMT +5
Almatyda kólikke oq atqandar izdestirilip jatyr
ALMATY. KAZINFORM - Almatyda beıtanys adamdar avtoturaqta turǵan kólikke pnevmatıkalyq qarýmen oq atqan. Zaqymdaǵan kóliktiń beınejazbasy áleýmettik jelide tarady.
Jelidegi málimetke sáıkes, kóliktiń ishinde adam bolmaǵan. Kúdiktiler qozǵalys quralynyń artqy terezesinen oq atqan. Almaty qalasynyń Polıtsııa departmenti atalǵan derek boıynsha qylmystyq is qozǵalǵanyn habarlady.
- Bul derek boıynsha Medeý aýdandyq polıtsııa basqarmasy qylmystyq is qozǵady. Kúdiktilerdi ustaýǵa jáne istiń obektıvti mán-jaılaryn anyqtaýǵa baǵyttalǵan jedel sharalar júrgizilip jatyr, - dep habarlady qalalyq PD baspasóz qyzmeti.
Eske salaıyq, buǵan deıin Shymkenttegi lombardqa qarýly shabýyl jasaǵan adamǵa sot úkimi shyqqanyn jazǵanbyz.