Almatyda kólik jóndeý ortalyǵy órtendi
Almatyda túnde tehnıkalyq qyzmet kórsetý ortalyqtarynyń birinen órt shyqty. Órt sóndirýshiler kólik sheberhanasyna turǵan 10 kólikti aman alyp qaldy, dep habarlaıdy Kazinform.
17 qazan túngi saǵat 01:03-te qalalyq TJD - niń kúshteri men quraldary Naýryzbaı aýdany Mashan kóshesi, 308/54 mekenjaıyna jiberildi.
«Oqıǵa ornyna alǵashqy órt sóndirý brıgadasy kelgen kezde tehnıkalyq jóndeý ortalyǵy lapyldap janyp jatqan. Kýágerlerdiń «101» pýltine kesh habarlaýyna baılanysty jalyn órship úlgergen. Janynda ornalasqan kólik jýý jáne ákimshilik keńsesine taralý qaýpi tóndi. Aldyn alý sharalarynyń nátıjesinde 01:41-de sóndirildi», - dep habarlady Almaty qalalyq TJD baspasóz qyzmeti.
Sondaı-aq órt sóndirýshiler tehnıkalyq qyzmet kórsetý ortalyǵynda turǵan 10 avtokólikti órtten qorǵap qaldy.
Aıta keteıik, órttiń vıdeosy áleýmettik jelide tarady.
Posmotret etý pýblıkatsııý v Instagram