Almatyda kólik aýdarylyp, bir adam mert boldy

ALMATY. KAZINFORM - Almatyda jol-kólik oqıǵasy saldarynan jolaýshy qaza boldy.

Almaty qalasy Polıtsııa departamentiniń málimetinshe, jol-kólik oqıǵasy búgin tańǵy saǵat 04:50–de Almatynyń Alataý aýdanynda bolǵan. «Mersedes» kóliginiń júrgizýshisi Takıjanov kóshesimen kele jatyp, Úlken Almaty aınalma jolymen kóshe qıylysynda rýldi basqara almaı, kedergilerge soqtyǵysyp, keıin aýdarylyp ketken.

— Ókinishke qaraı, jol apatynyń saldarynan 25 jastaǵy jolaýshy oqıǵa ornynda kóz jumdy. Júrgizýshi qaladaǵy aýrýhanalardyń birine jatqyzyldy. Polıtsııa departamentiniń Anyqtaý basqarmasy adam ólimine ákep soqtyrǵan jol-kólik oqıǵasyna qatysty qylmystyq is qozǵady. Tıisti saraptamalar taǵaıyndaldy, — dep habarlady polıtsııadan.

Eske salaıyq, Almatyda 181 moped aıypturaqqa qoıylǵanyn jazǵanbyz.