Almatyda qoqys jáshigine qandaı qaldyqty salýǵa bolmaıdy
ALMATY. KAZINFORM – Almatyda eski jıhazdar men qurylys qaldyqtaryn qoqys alańdarynda qaldyrýǵa tyıym salynady.
Almaty ákimdiginen málim etkendeı, qazir qalada konteınerlik alańdardyń irgeles aýmaqtarynda iri kólemdi qoqystardy jınaý ózekti máselege aınaldy. Turǵyndar eski jıHazdy, isten shyqqan turmystyq tehnıkany, santehnıkalyq buıymdardy qaldyrýdy ádetke aınaldyrǵan.
«Aıta ketý kerek qoqys jınaıtyn mashınalar úlken kólemdegi qoqystar men qurylys qaldyqtaryn shyǵara almaıdy, óıtkeni bul tehnıkanyń nyǵyzdaý apparatyn isten shyǵarýy múmkin.
«Almaty qalasynyń aýmaǵyn abattandyrý erejelerine» sáıkes iri kólemdi qoqystardy (qaldyqtardy) shyǵarý kásiporyndardyń, mekemelerdiń jáne jeke tulǵalardyń ózderi nemese qoqys shyǵaratyn kásiporyndar júrgizedi», - dep atap ótti ákimdikten.
Úıde jóndeý jumystaryn júrgizetin turǵyndar, sondaı-aq iri kólemdi qoqystar paıda bolǵan kezde mamandandyrylǵan uıymdarǵa habarlasyp, aqyly tehnıkany shaqyrýy nemese qaldyqtardy polıgonǵa óz betinshe shyǵarýy tıis.
Polıgondar Almaty oblysynda, Іle aýdanynda jáne Qarasaı aýdanynda Aıteı aýylynda ornalasqan.
«Ákimshilik quqyq buzýshylyq týraly» QR Kodeksiniń 505-babyna sáıkes abattandyrý qaǵıdalaryn buzý jeke tulǵalarǵa – jıyrma AEK, shaǵyn kásipkerlik sýbektilerine nemese kommertsııalyq emes uıymdarǵa – otyz AEK, orta kásipkerlik sýbektilerine – qyryq AEK, iri kásipkerlik sýbektilerine-jıyrma AEK mólsherinde eskertý jasaýǵa nemese aıyppul salýǵa ákeletinin eskergen jón.
Almaty Polıtsııa departamentiniń aqparaty boıynsha, osy bapqa qatysty qalany abattandyrý erejelerin buzǵany, ınfraqurylym obektilerin jáne jasyl jelekterdi qıratqany ári búldirgeni úshin 2024 jyldyń 6 aıynda 11 577 buzýshylyq tirkelip, 32 749 200 teńgege aıyppul salyndy.