Almatyda kezekti zańsyz nysan buzylyp jatyr

ALMATY. KAZINFORM — Almatyda zańsyz salynǵan kólik jýý orny buzylyp jatyr.  

Qala qurylysyn baqylaý basqarmasynyń málimetinshe, sot sheshimimen Jumabaev kóshesi, 12 mekenjaıynda ornalasqan óz-ózine qyzmet kórsetetin kólik jýý nysanyn buzý jumystary bastaldy.

Jospardan tys tekserý barysynda nysannyń jeke tulǵaǵa tıesili ekeni jáne tıisti qujatsyz salynǵany anyqtalǵan.

— Tekserý nátıjesinde nysan ıesine ákimshilik shara qoldanylyp, ǵımaratty súrý týraly nusqama berildi. Qazirgi ýaqytta nusqama talaptaryna sáıkes, menshik ıesi nysandy óz kúshimen buzyp jatyr, — dep habarlady vedomstvo.

Eske salaıyq, buǵan deıin Almatynyń «Taýgúl-3» shaǵyn aýdany, Beket Ata kóshesi, 46 mekenjaıynda ornalasqan eki qabatty ǵımarat sot sheshimi boıynsha buzyldy.