Almaty qashan 100 paıyz ortalyqtandyrylǵan sý júıesine kóshedi
ALMATY. KAZINFORM – Almatyda eski sý qubyrlary jańasyna aýystyrylyp jatyr. Bul týraly Óńirlik kommýnıkatsııalar qyzmetinde Almatynyń energetıka jáne sýmen jabdyqtaý basqarmasynyń basshysy Nurbaqyt Serikbaı aıtty.
Onyń aıtýynsha, qalaǵa 6 sý uńǵysy arqyly sý keledi, onyń qýaty - 1,3 mln m³. Alaıda megapolıs bir táýlikte 700 myń m³ sý tutynady. Sondyqtan 2024 jyly 294,3 shaqyrym jańa sý qubyry tartylyp, 51,5 shaqyrym eski jeli jańǵyrtylǵan.
- Osylaısha qubyrdyń tozý deńgeıi 53,8%-dan 52,8%-ǵa deıin tómendep, ortalyqtanǵan sýmen qamtý da 99,6%-ǵa jetti. 2025 jyldyń sońyna deıin taǵy 260 shaqyrym sý jelisin salý josparlanyp otyr. Bul sýmen qamtýdy 99,9%-ǵa deıin arttyryp, tozýdy 52,2%-ǵa deıin azaıtpaq. Sonymen qatar táýligine 90 myń m³ qýattylyqqa ıe «Aqsaı», «Ermensaı» sý uńǵymalarynyń qurylysy júrip jatyr, - dedi ol.
Sondaı-aq Nurbaqyt Serikbaı 2025 jyldyń sońyna deıin 87 shaqyrym káriz jelisin qaıta jańǵyrtyp, salý josparlanǵanyn atap ótti.
Eske salaıyq, buǵan deıin Almatyda sýmen qamtý nysandarynyń qurylysy qalaı júrip jatqanyn jazǵanbyz.