Almatyda qaraýyl jasaǵynyń qyzmettik kóliginen qashyp ketken sottalýshy ustaldy

ALMATY. KAZINFORM – Almatyda sottalýshy qaraýylshy jasaqtyń qyzmettik kólikten qashyp ketken er adam ustaldy. Ol urlyq jasady dep aıyptalǵan.

– Almatynyń krımınaldyq polıtsııa qyzmetkerleri jedel-izdestirý sharalary barysynda Almaty oblysy aýmaǵynda izdeýde júrgen, qaraýyl kóliginen qashyp ketken K.E.Aýbakrı esimdi azamatty ustady. Qazir qashyp ketý deregi boıynsha sotqa deıingi tergeý amaldary júrgizilip jatyr, – dep habarlady Almaty qalalyq polıtsııa departamentiniń baspasóz qyzmeti.

Eske salaıyq, 4 jeltoqsan kúni sottalýshy qaraýyl jasaǵy qyzmettik kóliginen qashyp ketkeni týraly jazǵan edik. Buryn habarlanǵandaı, kúdikti bótenniń múlkin urlaǵany úshin ustalǵan edi.

Buǵan deıin Talǵar aýdandyq polıtsııa basqarmasynyń ýaqytsha ustaý ızolıatorynan qyz zorlady degen kúdikpen qamaýda otyrǵan azamat qashyp ketkenin jazǵanbyz. 

Keıin kúdikti K. Tereńqara aýylynyń shetinde ustaldy.