Almatyda qar tazalaýǵa 1120 jumysshy tartyldy
Almatyda qar tazalaýǵa 386 arnaıy tehnıka men 1120 jumysshy jumyldyryldy, dep habarlaıdy Kazinform.
Búgin túski saǵat 14:00-den bastap Almaty qalasynda silbi qar jaýa bastady.
«Kóktaıǵaqtyń aldyn alý úshin 47 patrýldik brıgada, 386 birlik arnaıy tehnıka jáne 1120 jol jumysshysy jumyldyryldy. Qardan tazartylatyn kóshe-jol jelisiniń jalpy alańy 25 mln sharshy metr, sondaı-aq 3 339 aýla aýmaǵy bar»,- dep habarlady ákimdikten.
Kósheni qardan tazalaý jumystary kestege sáıkes, táýlik boıy eki aýsymda júrgiziledi.
«Qysqy kezeńde qardy jınaýdy «Almaty Tazalyq» kommýnaldyq memlekettik kásiporny, sondaı-aq 9 jeke kompanııa júzege asyrady. Qar kúreý jumystary joldarda, jaıaý júrginshiler aımaqtarynda, ortaq keńistikterde, jer ústi ótkelderi men trotýarlarda, velosıped joldarynda, qoǵamdyq kólik aıaldamalarynda júrgizilýde»,- dep atap ótti ákimdikten.
