Almatyda qar men kóktaıǵaqqa qarsy daıyndyq bastaldy
ALMATY. KAZINFORM – Almatyda sýarý-jýý maýsymy aıaqtalyp, qar men kóktaıǵaqqa qarsy daıyndyq bastaldy.
Almatynyń kommýnaldyq ınfraqurylym jáne turǵyn úı ınspektsııasy basqarmasynyń málimetinshe, bul sheshim túngi ýaqyttaǵy turaqty sýyq pen mınýs temperatýraǵa baılanysty qabyldanǵan.
– Qys túsken soń kommýnaldyq tehnıka maýsymdyq rejımge beıimdelip, qaıta jaraqtandyrylady. Arnaıy kólikterge qum-tuz qospasyn sebetin qondyrǵylar, qar tazalaıtyn soqaly-şetkaly jabdyq jáne jol men trotýardy qar men kóktaıǵaqtan tazartýǵa qajetti ózge de qural-jabdyqtar ornatylady, - delingen habarlamada.
Qar tazalaý jumystaryna 17 merdiger uıym, myńǵa jýyq arnaıy tehnıka jáne 2 710 jumysshy jumyldyrylmaq.
Daıyndyq barysynda merdigerler tehnıkaǵa tehnıkalyq tekseris pen jóndeý júrgizdi, 25 óndiristik baza men 23 qum qoımasyn ázirledi, qyzmetkerlerge arnalǵan ǵımarattardy jańǵyrtyp, qajetti materıaldar men qural-jabdyqtardy satyp aldy. Qar úıindilerin ýaqytsha jınaýǵa oryndar da belgilendi.
Eske salaıyq, buǵan deıin Almatyda jeltoqsan aıynyń basynda kún kúrt qubylatynyn jazǵanbyz.
Sınoptıkterdiń málimetinshe, aldaǵy kúnderi ile-shala jańbyr jaýyp, arty qarǵa ulasyp, uıytqyp jel soǵady.