Almatyda qar kóshkini júrdi

ALMATY. KAZINFORM - Almatynyń Bostandyq aýdanynda ózdiginen qar kóshkini júrdi. Bul týraly QR TJM baspasóz qyzmeti málim etti.

«Túsken qar massasynyń kólemi 5000 tekshe metrdi qurady. Abyroı bolǵanda, zardap shekkender men qıraǵan nysandar bolǵan joq», - delinedi TJM habarlamasynda.

Tótenshe jaǵdaılar mınıstrligi óńirde kóshkin qaýpi saqtalatynyn, sondaı-aq, azamattardy taýly jerlerge barmaýǵa shaqyrdy.

Eske salsaq, Almaty oblysynyń taýlarynda 15 – 18 sáýir kúnderi qar kóshkini júrý qaýpi saqtalatyny týraly jazǵanbyz.