Almatyda qamys arasyndaǵy kólik ishinen er adamnyń denesi tabyldy

ALMATY. KAZINFORM – Almatynyń Túrksib aýdanyndaǵy saıabaq mańyndaǵy qamys arasynan Toyota markaly avtokólik pen beıtanys adamnyń denesi tabyldy. 

Oqıǵa 27 tamyzda túnde bolǵan. Bul aqparat áleýmettik jelide tarady.

Almaty Polıtsııa departamenti osy oqıǵaǵa qatysty Kazinform.kz tilshisine túsinik berdi.

Vedomstvonyń málimetinshe, marqumnyń kim ekeni anyqtaldy.

– Zorlyq-zombylyq belgileri joq. Materıaldar Túrksib aýdandyq polıtsııa basqarmasynyń óndirisinde, - delingen habarlamada.

Ólimniń naqty sebebin anyqtaý úshin tıisti saraptamalar taǵaıyndalǵan.

Eske salaıyq, buǵan deıin Almaty taýlarynda joǵalyp ketken 20 jastaǵy jigittiń máıiti tabylǵanyn jazǵan edik.