Almatyda qalyń qar jaýady: Qutqarýshylar eskertý jasady
ALMATY. KAZINFORM – Almatyda 13 naýryzda qalyń qar jaýady. Bul týraly sınoptıkterdiń boljaýyna súıene otyryp qalalyq Tótenshe jaǵdaılar departamenti málimdedi.
«13 naýryzda túnde Almatyda, sondaı-aq taýly aımaqtarda qatty jaýyn-shashyn, jańbyr, qar kútiledi. Taýly aımaqtarda soltústik-batystan jel soǵady, naızaǵaı kezinde jeldiń ekpini 15-20 metrge deıin jetedi», - dep eskertti departamentten.
Qutqarýshylar turǵyndardy qaýipsizdik sharalaryn saqtap, taýǵa barýdan bas tartýǵa shaqyrdy.
– Taýly aımaqtarǵa serýendeýdi aýa raıy qolaıly bolǵansha keıinge qaldyrǵan durys.
– Úıge qaıtýdy keshke qaldyrmańyz, qaıta jol taba almaýyńyz múmkin.
– Rıýkzaktaryńyzda mynalar bolýy kerek: jyly kıimder, tótenshe jaǵdaıda alǵashqy kómek kórsetýge arnalǵan qobdısha jáne GPS navıgatory.
– Taýǵa jalǵyz shyqpańyz.
