Almatyda qala mańyna qatynaıtyn jańa baǵyt ashylady

20 qazanynan bastap Tóle bı – ıAssaýı kósheleriniń qıylysyndaǵy burylys alańynan Qarǵaly kentine júretin №236 baǵyt ashylady. Barlyǵy 12 avtobýs olardyń qozǵalys ıntervaly 17 mınýt bolady, dep habarlaıdy Kazinform.

Almaty ákimdiginiń málimetinshe, jolaýshylar men júk tasymaldaý erejelerine sáıkes qyzmet kórsetý «NEO city TRANS» JShS tasymaldaýshyǵa berildi. Osy baǵyt boıynsha jolaýshylardy tasymaldaý ISUZU HC-40 markaly avtobýstar júrgizetin bolady.

Almaty aglomeratsııasyn damytý aıasynda Almatynyń qalalyq mobıldilik basqarmasy 2023 jyly 25 eldi mekendi qamtıtyn jańa qala mańyndaǵy baǵyttardy uıymdastyrýdy josparlaýda.

Buǵan deıin 3 baǵyt iske qosylǵan, olar: №223 «Saıahat-Nura jáne Týǵanbaı aýyldary», №233 «Qaraoı – Saıahat aýyly», № 240 «Batyr aýyly – «Adem-1» saýda úıi, Soltústik aınalma kóshesi. Qalǵan baǵyttar ázirlenip jatyr.

«Almaty jáne Almaty aglomeratsııasyn damytý josparyna sáıkes 2024 jyldyń sońyna deıin 20 jańa qala mańyndaǵy baǵyttardy uıymdastyrý kózdelgen. Olardyń esebinen 50 eldi meken qamtamasyz etiledi»,- dep habarlady ákimdikten.