Almatyda qala mańyna qatynaıtyn taǵy 2 jańa avtobýs baǵyty ashyldy
ALMATY. KAZINFORM – Almaty qalalyq mobıldilik basqarmasy Qarasaı jáne Talǵar aýdanyndaǵy eldi mekenderdi qamtıtyn eki jańa marshrýt uıymdastyrdy.
Syıymdylyǵy úlken avtobýstar 25 jeltoqsannan bastap jolǵa shyǵady.
– «Mádenıet jáne demalys saıabaǵy – Aqtas kenti» baǵyty boıynsha №256 avtobýs júredi. «Tólebı/ıAssaýı» avtostantsııasy» - Shamalǵan kenti» baǵyty boıynsha jolaýshylarǵa №249 marshrýty qyzmet kórsetiletin bolady. 7 avtobýs júredi. Jol júrý quny 120 teńge. Barlyq avtobýstar Onay elektrondy bılet júıesimen jabdyqtalǵan,– dep habarlady ákimdikten.
Aıta ketý kerek, jolaýshylar men júkti avtokólikpen tasymaldaý erejesine sáıkes, atalǵan marshrýttar baıqaý ótkizilgenge deıin tasymaldaýshylarǵa ýaqytsha berilip, synaq rejıminde jumys isteıdi. Sonyń nátıjesinde jolaýshylardyń legi men turǵyndardyń qajettiligi eskerilip, qozǵalys syzbalaryna ózgerister engiziledi.
Osy kúnge Almatyda 41 qala mańy baǵyty ashylyp, olarǵa 491 avtobýs bólingen bolatyn.
Sonymen qatar 13 qarashadan bastap «NurjasTrans» JShS №218, 238, 246, 248, 250, 255marshrýttary berildi.
Keler jyly Almatyǵa elektrmen júretin 200 avtobýs satyp alynady.