Almatyda Qala kúni qarsańynda 130 tonna qoqys jınaldy
ALMATY. KAZINFORM - Almatyda «Taza Qazaqstan» respýblıkalyq baǵdarlamasy aıasynda jáne Qala kúni qarsańynda jappaı tazalyq jumystary ótti. Іs-sharaǵa eriktiler men qalanyń kommýnaldyq qyzmetteri qatysyp, 103 birlik tehnıka men 1400-den astam adam jumyldyryldy.
«Búgin ásem qala - Almaty kúni qarsańynda belsendi jastar, qalanyń jappaı tazalyq jumystaryna qatystyq. Qalamyzdyń tazalyǵy men sulýlyǵyn saqtaý – meniń azamattyq boryshym. Senbiliktiń arqasynda jańa dostar taptym, komandada jumys istedim jáne qalamyzdyń tazalyǵyna kishkentaı bolsa da úles qostym», — dedi erikti Daryn Ershatov.
Qatysýshylar demalys aımaqtaryn, ózen jaǵalaýlary men bos jatqan jerlerdi tazalady. Onyń ishinde Bent toǵandary, Úlken Almaty ózeni, Qarǵaly ózeni jáne basqa da aýmaqtar bar. Sondaı-aq, Buqar jyraý býlvary, Angarskaıa kóshesi, Muztaý shaǵyn aýdany jáne basqa da qoǵamdyq oryndar tazartyldy. Senbilikte qatysýshylar shamamen 652 m³ (130,4 tonna) qoqys jınap, shyǵardy.
Eske salaıyq, buǵan deıin Almaty kóshelerinen kún saıyn 150 tonnadan astam qoqys shyǵarylatynyn jazǵanbyz.
