Almatyda HHІІ Halyqaralyq Jáýtikov olımpıadasy ótedi

ALMATY. KAZINFORM – 10-15 qańtar aralyǵynda Almatyda ótetin oqýshylarǵa arnalǵan matematıka, fızıka jáne ınformatıka boıynsha HHІІ Halyqaralyq Jáýtikov olımpıadasyna álemniń 16 elinen 612 oqýshy men 122 jetekshi qatysady. Bul týraly Oqý-aǵartý mınıstrliginiń baspasóz qyzmeti habarlady. 

Qatysýshy elder qatarynda Armenııa, Ázerbaıjan, Belarýs, Bolgarııa, Grýzııa, Qazaqstan, Qyrǵyzstan, Mońǵolııa, Pákistan, Reseı, Rýmynııa, Tájikstan, Túrikmenstan, Indonezııa, Úndistan jáne Ózbekstan bar. Komandalardyń quramy ulttyq pándik olımpıadalardyń nátıjeleri boıynsha anyqtalady. 

Olımpıada bes kúnge sozylady jáne eki týrdan turady. Tapsyrmalar kúrdeliligi boıynsha mamandandyrylǵan synyptar baǵdarlamasyna sáıkes keledi jáne halyqaralyq qazylar alqasymen qurastyrylǵan. 

Matematıka, fızıka jáne ınformatıka pánderi boıynsha mektep oqýshylaryna arnalǵan Halyqaralyq Jáýtikov olımpıadasy elimizde 22-shi ret uıymdastyrylǵaly dep otyr. Bıyl atalmysh bilim báıgesi Almaty qalasynda ótedi.

Jáýtikov olımpıadasynyń qorytyndysy boıynsha qatysýshylarǵa sertıfıkattar men estelik syılyqtar tabystalady, al jeńimpazdar men júldegerler dıplomdar men altyn, kúmis jáne qola medaldarǵa ıe bolady.

Buǵan deıin habarlaǵanymyzdaı, almatylyq oqýshylar arasynda ekologııalyq chellendj bastaldy.