Almatyda halyqaralyq Jastar kúni qalaı atap ótiledi
ALMATY. KAZINFORM – Halyqaralyq jastar kúnine oraı megapolıste birqatar arnaıy aktsııa josparlanǵan. Bul týraly Óńirlik kommýnıkatsııalar qyzmetiniń brıfınginde Almaty qalasy Jastar saıasaty basqarmasy basshysynyń mindetin atqarýshy Azız Kajdenbek aıtty.
Onyń aıtýynsha, Almatyda 14 pen 35 jas aralyǵyndaǵy 695,6 myń jas turady.
«1999 jyldan bastap búkil álemde 12 tamyzda Halyqaralyq Jastar kúni atap ótiledi. Bul jastarǵa, olardyń jetistikteri men áleýetine arnalǵan erekshe kún. Bizdiń mindetimiz – jastarǵa sapaly bilim alýǵa, densaýlyq saqtaýǵa jáne jumysqa ornalasý múmkindikter ashyp, olardyń damýy úshin qolaıly jaǵdaı jasaý», - dedi Azız Kajdenbek.
Sondaı-aq ol bul kúni qala kásipkerlerimen birlesip 14 pen 35 jas aralyǵyndaǵy jastarǵa arnalǵan «Jas Almaty» aýqymdy aktsııasyn ótkizý josparlanyp otyrǵanyn atap ótti. Іs-shara sheńberinde qoǵamdyq tamaqtaný, paıdaly demalys salasynda jeńildikter jasalady.
3-12 tamyz aralyǵynda «Taza Qazaqstan», «Jas kelse. Iske!» sııaqty 10 baǵyt boıynsha 60-tan astam sporttyq, mádenı jáne zııatkerlik is-sharalar ótedi. «Densaulyk – zor bailyk», «Gylym tappai maqtanba», «Meyirimdilik mekeni», «Adal Azamat», «Enbek barin de jenbek», «Ystyq qairat. Nurly aqyl. Jyly jurek», «Qorgan-24», «Jasratmen birge» is-sharalary jastar arasynda shyǵarmashylyq áleýet pen salaýatty ómir saltyn damytýǵa yqpal etedi.
Basqarma basshy Almatyda jastardyń áleýetin tolyq iske asyrý, sondaı-aq jastarǵa ataýly kómek kórsetý maqsatynda ótken jyly 8 jastar komıýnıtı ortalyqtarynyń iske qosylǵanyn atap ótti. Ortalyqtardyń sany 2025 jylǵa deıin 16-ǵa deıin artady.
