Almatyda halyqaralyq Digital forýmy bastaldy
ALMATY. KAZINFORM – Almatyda «Digital Almaty: H ındýstrııasy – bolashaqtyń tsıfrlyq evolıýtsııasy» atty tsıfrlyq forýmy óz jumysyn bastady.
Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń, aıtýynsha,ónerkásipti tsıfrlandyrý – búgingi kúnniń jańa talaby jáne ekonomıkanyń ártúrli salalarynda, sonyń ishinde mashına jasaý, turmystyq tehnıka jáne taý-ken ónerkásibinde qoldanylady.
«Memleket basshysy aldymyzǵa 2026 jylǵa qaraı ІT-eksport kólemin 1 mlrd dollarǵa deıin ulǵaıtýdy jáne Qazaqstandy óńirdegi jetekshi tsıfrlyq ortalyqtardyń birine aınaldyrý mindetin qoıdy. Bizdiń barlyq bastamalarymyz, sonyń ishinde Google for Startups jáne Draper University-men birlesken baǵdarlamalar, Silkroad Innovation habyn iske qosýǵa qoldaý kórsetý, Digital Bridge jáne Digital Almaty IT forýmdaryn ótkizý – osy maqsatqa jetý quraldary», - dedi mınıstr.
Sonymen qatar, ol forýmda usynylǵan ıdeıalar naqty sheshimin tabatynyn jetkizdi.
«Digital Almaty» – bıznes ókilderi, halyqaralyq sarapshylar jáne IT-qoǵamdastyq kezdesetin biregeı alań. Forýmda usynylǵan ıdeıalar naqty sheshimin tabady. Oǵan jarqyn mysal: 2023 jyly Kremnıı alqabynda Silkroad Innovation Hub qurylýy. Búginde hab jańa startap jobalardyń tartylys núktesine aınaldy ári óńirimizde tsıfrlyq sheshimderdi qoldaný aımaǵyn keńeıtýde kúsh-jigerin biriktirdi. Bul jerde startaperler óz ıdeıalaryn kórsetýge jáne ınvestorlar tabýǵa múmkindik alady», - dedi Baǵdat Mýsın.
Bıyl «Digital Almaty» VI forýmy ónerkásiptegi tsıfrlyq transformatsııa, GovTech, 4.0 ındýstrııasy, ESG, Smart City jáne basqa da salalardaǵy ınnovatsııalyq sheshimderdi usynatyn aýqymdy iskerlik baǵdarlamany usynbaq.
Paneldik pikirtalastar sheńberinde halyqaralyq sarapshylar, sala kóshbasshylary, IT jáne bıznes salasyndaǵy jetekshi ınnovatorlar qatarynan 200-den asa spıker qatysyp jatyr.
