Almatyda esikti ishinen ilip alǵan meıramhanaǵa polıtseı terezeden kirdi
ALMATY. KAZINFORM - Almatydaǵy meıramhanaǵa polıtsııa qyzmetkeri terezeden kirdi.
Onyń vıdeosy áleýmettik jelide tarady. Beınejazbadan polıtsııa qyzmetkeriniń qatty mýzyka oınap jatqan ǵımaratqa tereze arqyly kirgenin kórýge bolady.
«Túńgi saǵat eki. Jarokov kóshesinde ornalasqan «Týrandot» meıramhanasyndaǵy shý tynyshtalar emes. Polıtsııa jarty saǵat boıy ishke kire almaı júr, aqyry tereze arqyly kirdi» - delingen jazbada.
Almaty qalalyq Polıtsııa departamentiniń málimetinshe, atalǵan meıramhana mańynda turatyn turǵyndardan shaqyrtý túsken.
«Shaqyrýǵa Býran-126 patrýldik ekıpajy bardy, mekeme ishinde adamdar boldy, olar esikti ishinen kiltep alǵan. Polıtseılerdiń talabyn oryndamady. Sodan keıin patrýldik ekıpaj qyzmetkeri, polıtsııanyń aǵa leıtenanty Máýlenqul ǵımarattyń ekinshi qabatyna ashyq tereze arqyly kirip, óreskel zańbuzýshylyqtyń jolyn kesti», - dep habarlady Almaty Polıtsııa departamenti.
Vedomstvodan atap ótkkendeı, meıramhana ıesine qatysty ÁQBtK-niń 437-baby 1-bóligi boıynsha ákimshilik hattama toltyryldy. Tynyshtyqty buzǵany úshin oǵan 15 AEK (55 380 teńge) kóleminde aıyppul salyndy.
Keıin meıramhana ákimshiligi keltirilgen qolaısyzdyq úshin keshirim suraǵan.
View this post on Instagram