Almatyda er adam spa-salonda jumys isteıtin qyzǵa shabýyl jasady

ALMATY. KAZINFORM - Bloger Syrym Itkýlov óziniń áleýmettik jelidegi arnasynda er kisiniń resepshn aldynda qyzmetker qyzdy aıaýsyz urǵany kórsetilgen beınejazbany jarııalady.

Onyń jazýynsha, Almatydaǵy spa-salonǵa Reseı azamaty kelip, ózine syra satýdy suraǵan. Salon qyzmetkeriniń teris jaýabyna qanaǵattanbaǵan ol qyzdy birneshe ret uryp, shashynan tartqan.

Al beınejazba qaýipsizdik kameralaryna túsip qalǵan.

Almaty qalasynyń polıtsııa departamenti kúdiktiniń ustalǵanyn habarlady.

«Uryp-soǵý faktisi boıynsha ákimshilik is qozǵaldy. Quqyq buzýshy qamaýǵa alyndy. Іs boıynsha sot-medıtsınalyq saraptama taǵaıyndaldy», — dep habarlady PD baspasóz qyzmetinen.