Almatyda elektromobıl qýattaıtyn stantsııalar ornatylady

ALMATY. KAZINFORM – Almatyda elektromobılderge arnalǵan zarıadtaý stantsııalaryn ornatýǵa163 mln teńge bólindi.

Almaty ákimdiginen málim etkendeı, «Almaty» áleýmettik-kásipkerlik korporatsııasy» AQ enshiles uıymy, «Almaty Finance» JShS elektromobılderge arnalǵan joǵary jyldamdyqty zarıadtaý stantsııalaryn satyp alýǵa 163 mln teńge bóldi.

Atalǵan somaǵa Almatyda 28 jańa qýatttaý stantsııasy ornatylady.

«2023 jyly Almatyda avtokólik quraldarynyń zııandy zattar shyǵaryndylarynyń kólemi 112 myń tonnadan asty, bul shyǵaryndylardyń jalpy kóleminiń 60%-yn qurady. Elektromobılderge kútim jasaýǵa úshin qolaıly jaǵdaı jasaý kólikti elektrlendirý jolyndaǵy mańyzdy qadam.Nátıjesinde qala ekologııasy jaqsarady», - dep atap ótti «Almaty Finance» JShS basqarma tóraǵasynyń orynbasary Juldyz Igenov.

Buǵan deıin Qazaqstanda 2023 jyly elektromobılder sany 10,4 ese óskeni týraly jazǵan bolatynbyz. 

Sarapshylardyń pikirinshe, buǵan qazaqstandyqtarǵa kóliktiń ekologııalyq taza túrine kóshýi úshin memleket beretin kvota sebep boldy. Óıtkeni elektromobıldiń atmosferaǵa zııany joq. Sondyqtan memleket ony satyp alǵanda keden jáne salyq tólemderinen bosatatyn kvota berdi. Mine, osydan keıin satyp alýshylar kóbeıdi. Byltyr qańtar-qazannyń ózinde Qazaqstanǵa kvota boıynsha 6 875 elektromobıl ákelindi.