Almatyda eki kólik soqtyǵysyp, bes adam jaralandy

ALMATY. KAZINFORM – Almatyda eki kólik soqtyǵysyp, bes adam zardap shekti.

Polıtsııa departamentiniń málimetinshe, jol apaty saǵat 04:20 shamasynda Áýezov aýdanynda bolǵan.

– BMW kóliginiń júrgizýshisi Saıyn kóshesimen ońtústik baǵytta kele jatyp, jolaqty aýystyratyn kezde qatar kele jatqan Chevrolet avtokóligimen soqtyǵysqan. Soqqydan keıin ekpinmen BMW kóligi aǵashqa baryp soǵyldy, - dep habarlady polıtsııanyń baspasóz qyzmeti.

Apat saldarynan eki júrgizýshi men BMW kóligindegi úsh jolaýshy túrli jaraqat alyp, aýrýhanaǵa jetkizilgen.

Qazir oqıǵanyń mán-jaıyn Áýezov aýdandyq polıtsııa basqarmasynyń qyzmetkerleri anyqtap jatyr.

Buǵan deıin Almaty oblysynda eki kólik soqtyǵysyp, eki adamnyń qaza tapqanyn habarlanǵanbyz.