Almatyda eki qabatty ǵımarat tolyǵymen janyp ketti

ALMATY. KAZINFORM — Almatyda eki qabatty aǵash kottedj janyp ketti. 

Tótenshe jaǵdaılar mınıstrliginiń málimetinshe, Almatyda 8 maýsymǵa qaraǵan túni aǵashtan salynyp jatqan eki qabatty ǵımarattan órt shyqty.

— 600 sharshy metr aýmaqty qamtyǵan qyzyl jalyn tolyq sóndirildi. Zardap shekkender joq. Órttiń shyǵý sebebi anyqtalyp jatyr, - delingen habarlamada.

Sondaı-aq órt sóndirýshiler otqa oranǵan úıden úsh gaz ballonyn shyǵaryp, jarylystyń aldyn aldy. Ol aǵashtan salynǵandyqtan, qyzyl jalyndy aýyzdyqtaý qıyndyq týǵyzdy.

Osyǵan deıin Almatyda gaz-aýa qospasy jarylyp, er adam qaza tapqan edi. 

Eske salaıyq, 23 mamyr Almaty oblysy Qarasaı aýdanynyń Jibek Joly aýylynda ornalasqan un ónimderin óndirý tsehynyń aýmaǵynda jarylys bolyp, artynsha órt shyqqany týraly jazǵan edik.  

Keıin denesiniń 70–80% kúıik shalǵan tórt adamnyń da aýrýhanada qaıtys bolǵany belgili boldy.