Almatyda dárethana shuńqyrynan tabylǵan náresteni asyrap aldy

Byltyr Almaty qalasyndaǵy kóshe ájethanalarynyń birinde tabylǵan náresteni otasqandaryna kóp jyl bolǵan, alaıda balasy joq otbasy asyrap aldy. Bul týraly Almaty qalasynyń densaýlyq saqtaý basqarmasy málim etti, dep habarlaıdy Kazinform.

Vedomstvo málimetinshe, jańa otbasy sábıdi bazadan kórip, birden asyrap alý týraly sheshim qabyldaǵan.

«Áıel balalar úıine kelgende sábıdi kórip, kózine jas aldy. Ony birden alyp ketkisi keldi. Balanyń jańa otbasy tolyq, olardyń otaý qurǵandaryna kóp bolǵanmen, balalary joq. Erli-zaıypty basqa qaladan kelip, aryz jazyp, balany 2023 jyldyń mamyr aıynda asyrap aldy. Endi sábıde tolyq jáne baqytty otbasy bar. Olar sýretterin jiberip, qýanyshtarymen bólisip otyrady», - dep habarlady qalalyq densaýlyq saqtaý basqarmasynan.

Eske sala keteıik, jańa týǵan náreste 2022 jyldyń tamyz aıynda kóshedegi dárethanadan tabylǵan bolatyn. Ony Túrksib aýdandyq polıtsııa qyzmetkerleri qutqaryp qaldy.

Keıin onyń bıologııalyq anasy 17 jastaǵy 11-synyp oqýshysy ekeni belgili boldy.