Almatyda dabyl júıesi iske qosylady
ALMATY. KAZINFORM — Almatyda búgin saǵat 11:00-de sırena dybystary estiletin bolady.
Almaty qalasynyń Tótenshe jaǵdaılar departamenti málim etkendeı, shara «Kóktem-2025» respýblıkalyq komandalyq-shtabtyq oqý-jattyǵýy aıasynda ótkiziledi.
— «Barshanyń nazaryna!» dybystyq sıgnaly - bul qaýip tóngen nemese tótenshe jaǵdaı týyndaǵan kezde barlyq shuǵyl habarlamalardy berýdiń aldynda halyqtyń nazaryn aýdarý úshin beriletin eskertý sıgnaly.Ony estigennen keıin teledıdarlar men radıoqabyldaǵyshtardy qosý kerek, ınternet-resýrstardaǵy jáne mobıldi qosymshalardaǵy aqparatty alys qashyqtyqqa nusqaýlar alý úshin oqý kerek, — dep atap ótti vedomstvodan.
Osyǵan deıin jer silkinisin eskertetin júıe synaqtan ótip, almatylyqtar prezıdenttik habarlama alǵan bolatyn.