Almatyda bir táýlikte 22 jol apaty tirkeldi
ALMATY. KAZINFORM – Almatyda polıtseıler kommýnaldyq qyzmetterge qalany qardan tazalaýǵa kómektesip jatyr.
Qalany qardan tazalaý úshin patrýldik polıtsııa men mamandandyrylǵan batalonnyń 25 ekıpajy qar tazalaý tehnıkasyn súıemeldep, jol bastap júrdi.
«Qalanyń negizgi magıstraldarynda keshki ýaqytta qozǵalys qolmen retteý arqyly qamtamasyz etildi. Keıingi táýlikte qalada barlyǵy 22 jol-kólik oqıǵasy tirkeldi. Qaza tapqandar joq. Tolassyz jaýǵan qar qaladaǵy jol jaǵdaıyn aıtarlyqtaı qıyndatty. Osy rette, patrýldik polıtsııa polki men mamandandyrylǵan batalonnyń 25 ekıpajy qar tazalaý tehnıkasyn súıemeldedi», - deıdi Almaty qalalyq PD Jergilikti polıtsııa qyzmeti basqarmasynyń bastyǵy Serik Shýmaev.
Aýa raıynyń nasharlaýyna baılanysty almatylyq tártip saqshylary jol qozǵalysyna qatysýshylardy qaýipsizdik sharalaryn kúsheıtýge shaqyrdy.
