Almatyda bir aıda 825 adam qyzylsha juqtyrǵan
ALMATY. KAZINFORM – Almaty qalasynda qyzylsha aýrýy boıynsha epıdemıologııalyq jaǵdaı turaqsyz. Qańtar aıynda 825 adam qyzylsha juqtyrǵan. Olardyń basym bóligi 14 jasqa deıingi balalar. Bul týraly óńirlik kommýnıkatsııalar qyzmetinde ótken brıfıngte qalalyq Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova aıtty.
«2023 jyly megapolıste qyzylshanyń zerthanalyq rastalǵan 4846 jaǵdaıy tirkeldi, onyń 73 paıyzy — 14 jasqa deıingi balalar», - dedi Ásel Qalyqova.
Onyń aıtýynsha, naýqastardyń basym bóligi qyzylshaǵa qarsy ekpe almaǵan balalar. Bul – aýrýdyń negizgi sebebi.
«Halyqty qyzylshaǵa, parotıt qyzamyǵyna qarsy qosymsha jappaı ımmýndaý jalǵasýda. 2023 jyldyń 6 qarashasy men 2024 jyldyń 28 qańtar aralyǵynda qyzylshaǵa qarsy ımmýndaýmen barlyǵy 149 550 adam qamtyldy. Qyzylshaǵa qarsy josparly vaktsınatsııa 1 jáne 6 jasta eki ret júrgiziledi. Vaktsınatsııa turǵylyqty jeri boıynsha qalanyń barlyq emhanalarynyń egý kabınetterinde tegin júrgiziledi», - dedi epıdemıolog.
