Almatyda bir apta buryn joǵalǵan jasóspirim tabyldy
ALMATY. KAZINFORM – Almatyda polıtsııa qyzmetkerleri 2025 jylǵy jeltoqsan aıynyń sońynan beri izdeýde bolǵan 14 jastaǵy jasóspirimdi tapty.
Іz-túzsiz joǵalǵan kámeletke tolmaǵan balany izdeýge polıtsııa bólimshelerimen qatar eriktiler uıymdary men belsendi azamattar tartyldy. «Qoǵam» jedel áreket etý jasaǵynyń málimetinshe, jasóspirim 2025 jylǵy 30 jeltoqsanda úıinen shyǵyp ketken.
Jasóspirimniń júrgen jerin Jetisý aýdandyq polıtsııa basqarmasynyń krımınaldyq jáne ıývenaldyq polıtsııa qyzmetkerleri anyqtady.
– Onyń ómiri men densaýlyǵyna eshqandaı qaýip joq. Buǵan deıin de jasóspirim úıinen birneshe ret ketip qalǵan. Tabylǵan sátte ol turǵylyqty mekenjaıynan tys jerde «qańǵyp júrgen», - dep habarlady Almaty polıtsııa departamentiniń baspasóz qyzmeti.
Kámeletke tolmaǵan bala anasyna tapsyryldy. Otbasymen profılaktıkalyq jáne túsindirý áńgimesi júrgizilip, materıaldar ıývenaldyq polıtsııanyń baqylaýyna alyndy.
Polıtsııa ókilderi izdestirý jumystaryna kómektesken eriktiler men azamattarǵa alǵys aıtty.
Eske salaıyq, buǵan deıin Atyraý oblysynda bir otbasynyń tórt adamy iz-túzsiz joǵalyp ketken edi.
Olardy izdestirý jumystary 2025 jylǵy 25 jeltoqsanynda bastaldy. Dál osy kúni týystary polıtsııaǵa habar bergen.
Polıtsııanyń málimetinshe, izdestirý sharalary tek Atyraý oblysynda emes, Qazaqstannyń búkil aýmaǵynda júrgizilip jatyr.