Almatyda byltyr 5 myńǵa jýyq bala ınklıýzıvti bilimmen qamtylǵan
ALMATY. KAZINFORM – Almaty qalasynyń ákimi Erbolat Dosaevtyń tóraǵalyǵymen qalanyń ınklıýzıvti ortasyn damytý jónindegi Keńestiń II otyrysy ótti. Jıynda «Inklıýzıvti Almaty» baǵdarlamasynyń tujyrymdamasy talqylandy.
Otyrys barysynda Bilim basqarmasynyń basshysy Saıran Saıfedenov 2023-2024 oqý jylynda balabaqshalarda, mektepterde jáne kolledjderde ınklıýzıvti bilimmen 4 663 bala qamtylǵanyn atap ótti.
Onyń aıýynsha, megapolıstegi 21 jeke uıymda qosymsha ınklıýzıvti bilim berýge memlekettik bilim berý tapsyrysy júzege asyrylyp jatyr.
«Erekshe qajettiligi bar 650 bala alǵash ret qosymsha bilimmen qamtyldy, oǵan 480 mıllıon teńge bólindi. Biz osy salada jumys isteıtin úkimettik emes uıymdardy shaqyrýǵa jáne qajetti memlekettik tapsyrysty ornalastyrýǵa daıynbyz. Osylaısha erekshe balalardy qosymsha bilimmen kóbirek qamtýǵa múmkindik alamyz. Bul máselede bilikti maman daıarlaýǵa da bıýdjetten qarajat bólýge daıynbyz», - dedi qala ákimi.
Eske salaıyq, Almatyda birneshe kúnge iri jolaıryq jóndeý jumystaryna jabylatynyn jazǵanbyz.
24-25 tamyz kúnderi Almatyda gastronomııalyq festıval ótedi.
