Almatyda bıyl avtoturaqtardyń baǵasy ósedi

ALMATY. KAZINFORM - Almaty ákimi Medeý aýdanynyń turǵyndarymen kezdesýinde avtoturaqtardyń baǵasy ósetinin atap ótti. 

Erbolat Dosaevtyń aıtýynsha, ekologııa máselesin jaqsartý úshin 2025-2027 jyldarǵa arnalǵan baǵdarlama ázirlengen. Ol boıynsha birneshe qalada is-sharalar qabyldanady.

— Bıyl jazǵy ýaqyttan bastap avtoturaqtardyń baǵasy aıtarlyqtaı kóteriledi. Bul barlyq iri qalalar sekildi kólikterdi shekteý úshin qajet. Odan bólek qalany aýany lastaıtyn shyǵyndylar az bolýy tıis aımaqtarǵa bólemiz. Biz jobany ázirlep qoıdyq, endi qoǵamdyq keńestiń, máslıhattyń talqylaýyna shyǵaramyz. Eń bastysy — qoǵamdyq kólikti damytý. Metronyń shyǵys jáne batys baǵyttaǵy uzartý, LRT qurylysy jáne t. b. jumystar bar, - dedi shahar basshysy.

Eske salaıyq, buǵan deıin Almatydaǵy avtoturaq týraly sarapshylar pikir bildirdi. 

Odan bólek Almatyda eki kópqabatty avtoturaqtyń jobasy ázirlenip jatqanyn jazǵanbyz.