Almatyda bıyl 7,5 myń iri kóshet otyrǵyzylady

ALMATY. KAZINFORM — Almaty ákimdigi 2026 jylǵa arnalǵan qalanyń jasyl jelegin damytý josparymen bólisti.

Resmı málimetke sáıkes, 2026 jyly bıiktigi 5-6 metr bolatyn shamamen 7,5 myń iri kólemdi aǵash, 38 myń standartty kóshet jáne 500 myńnan astam kópjyldyq buta otyrǵyzý josparlanyp otyr.

Kógaldandyrý jumystary 23 ýchaskede júrgiziledi. Olardyń qatarynda negizgi magıstraldyq joldardyń boıy, qalaǵa kireberisteri, ózenderdiń jaǵalaý aımaqtary jáne qoǵamdyq keńistikter bar.

— 2030 jylǵa deıingi kezeńge arnalǵan Almatynyń dendrologııalyq josparyn ázirleý, avtomattandyrylǵan sýarý júıelerin keńeıtý jáne tehnıkalyq sýdy paıdalanýǵa kezeń-kezeńimen kóshý kózdelgen. Jańa egiletin qylqanjapyraqty aǵashtardyń úlesi 4%-dan 20%-ǵa deıin artady, — dep habarlady ákimdikten.

Eske salaıyq, 2026 jyldyń basynda elimizdiń bes óńirinde kóshet ósiretin 6 tálimbaq salynady.