Almatyda bıyl 53 myń jumys orny ashyldy
Almatyda 2023 jyldyń basynan beri 53 myń jumys orny quryldy, dep habarlaıdy QazAqparat tilshisi.
Almaty ákimdiginiń málimetinshe, bul Memleket basshysynyń tapsyrmasy boıynsha ulttyq qoǵamdyq senim keńesiniń tórtinshi otyrysynda iske qosylǵan «Jumys oryndaryn qurýdyń óńirlik kartasy» aıasynda júzege asyrylǵan.
Baǵdarlamanyń maqsaty – bos júrgen azamattardy jumysqa ornalastyrý úshin jaǵdaı jasaý.
2023 jyly osy karta aıasynda Almatyda 53 myń jumys orny quryldy. Onyń ishinde Ulttyq jobalar boıynsha 16 myń, jeke bastamalar aıasynda (ShOB sýbektileri) 38 myń jumys orny paıda boldy.
Sonymen qatar Eńbek mınıstrligi jastarǵa shaǵyn nesıe berý jobasyn iske qosty. Almaty qalasy boıynsha jobany iske asyrýǵa 667 jas kásipker úshin 3,3 mlrd teńge bólindi.
Buǵan qosa, jańa bıznes-ıdeıalardy iske asyrýǵa 400 AEK-ke deıingi grantty 188 adam aldy. Grant qarajaty jumyssyzdar men ózin-ózi jumyspen qamtyǵandarǵa óndiristi jolǵa qoıýǵa jáne damytýǵa, sol arqyly turaqty tabys tabýǵa múmkindik beredi.
Kásipkerlik negizderine oqytý da óz tıimdiligin kórsetti. 2022 jyly 3 myńnan astam adam bilim alyp, onyń 936-sy óz kásibin ashty.
Aıta keterligi, jumys berýshiler usynǵan bos jumys oryndaryna azamattar elektrondyq eńbek bırjasy arqyly óz betinshe jumysqa ornalasa alady.
