Almatyda bıyl 2 myń bala qyzylsha juqtyrǵan

ALMATY. KAZINFORM – Almaty qalasynyń sanıtarııalyq-epıdemıologııalyq baqylaý departamenti megapolıste jyl basynan beri qyzylshanyń 3 257 rastalǵan jaǵdaıy tirkelgenin habarlady.

Departament basshysy Qasymhan Alpysbaıulynyń aıtýynsha, 14 jasqa deıingi balalar arasynda qyzylshanyń 2008 jaǵdaıy (61,8%), 15 jastan 18 jasqa deıingi jasóspirimder arasynda – 167 (5,1%) jáne eresekter arasynda – 1 082 (33,2%) jaǵdaıy tirkelgen. SEB basshysy balalar arasyndaǵy aýrýshańdyqtyń negizgi sebebi – vaktsınatsııadan bas tartý ekenin aıtady. 

– Qyzylsha – naýqas adamnan saý adamǵa aýa arqyly, tynys alý joldarynan tamshylarmen nemese juqtyrǵan adamdardyń murnynan nemese tamaǵynan sekretsııalarmen tikeleı baılanysta bolǵanda juǵady. Qyzylshaǵa qarsy josparly vaktsınatsııa 2 ret, birinshisi – 1 jasta (12-15 aı), ekinshisi – 6 jasta júrgiziledi. 2023 jylǵy 10 qarasha men 2024 jylǵy 03 shildeniń aralyǵynda qalada qyzylsha, qyzamyq, parotıtke qarsy qosymsha jappaı ımmýndaý sheńberinde barlyǵy 162 772 adam qamtyldy, - dep atap ótti ol. 

Eske sala keteıik, buǵan deıin Almatyda jyl basynan beri 3 myń adam qyzylsha juqtyrǵany habarlanǵan bolatyn.