Almatyda beıbit mıtıng ótkiziletin oryn ózgerýi múmkin

ALMATY. KAZINFORM – Almaty qalasyndaǵy beıbit jınalystardy uıymdastyrý jáne ótkizý úshin belgilengen arnaıy oryn ózgerýi múmkin. 

Ashyq NQA saıtynda Almaty qalasy máslıhatynyń «Almaty qalasyndaǵy beıbit jınalystardy uıymdastyrý jáne ótkizý úshin arnaıy oryndardy, sondaı-aq arnaıy oryndardy paıdalaný tártibin aıqyndaý týraly» 2020 jylǵy 23 maýsymdaǵy №462 sheshimine ózgeris engizý týraly usynys ornalastyrylǵan.

Joba 24 shildege deıin Ashyq NQA saıtynda ashyq talqylaýda bolady. Ol boıynsha beıbit sherýlerge arnalǵan aımaqty Shoqan Ýálıhanov atyndaǵy skverden (1000 adamǵa arnalǵan) Amangeldi Imanov atyndaǵy skverge (500 adamǵa arnalǵan) kóshirý usynylady.

Sondaı-aq Shevchenko kóshesimen ótetin qoldanystaǵy sherý marshrýty Gagarın dańǵyly men Muqanov kóshesi arasyndaǵy Jambyl kóshesiniń boıyndaǵy jańa marshrýtqa aýystyrylady.

Joba boıynsha "Sary-Arqa" kınoteatrynyń artyndaǵy alańnyń syıymdylyǵyn 500-den 1000 adamǵa deıin ózgertý josparlanǵan.

Eske salaıyq, buǵan deıin Almatyda 11-12 shilde kúnderi jol qozǵalysy ishinara shekteletinin jazǵan edik.