Almatyda «Baısat» bazary satylymǵa shyǵaryldy

ALMATY. KAZINFORM — Qaıtarylǵan aktıvterdi basqarý kompanııasy E-Qazyna portalynda «Baısat» kóterme-bólshek saýda ortalyǵy ashyq elektrondyq saýdaǵa qoıylǵanyn habarlady.

Aýktsıon 2025 jyldyń 18 qarashasynda saǵat 10:00 ótedi. Bastapqy baǵa: 28 639 882 000,00 teńge.

— Aýktsıon ashyqtyq pen ádil básekelestik qaǵıdattaryna sáıkes ótkiziledi. Aktıvterdi satý «Qaıtarylǵan aktıvterdi basqarý kompanııasynyń» qyzmeti aıasynda júzege asyrylady. Túsken qarajat Arnaıy memlekettik qorǵa aýdarylyp, qoǵam ıgiligi úshin áleýmettik mańyzy bar jobalarǵa jumsalady, — dep habarlady Qaıtarylǵan aktıvterdi basqarý kompanııasy.

Eske salaıyq, 2024 jyldyń qańtarynda Qaırat Satybaldynyń ulyna tıesili «Baısat» bazarynyń bir bóligi memleketke qaıtarylǵan bolatyn.