11:36, 17 Aqpan 2024 | GMT +6
Almatyda baraholka bazary órtenip jatyr
ALMATY. KAZINFORM - Almatyda baraholka bazaryndaǵy qoımadan órt shyqty.
17 aqpan saǵat 10:40-ta Almaty qalasy TJD kúsh-quraldary Jetisý aýdany Kókmaısa, 27 mekenjaıyna attanǵan.
Aldyn ala málimet boıynsha, qoımanyń tóbesi janǵan.
Jaqyn ornalasqan ákimshilik ǵımaratty qorǵaý úshin órt oqpandary qoıyldy.
Jedel shtab quryldy, órt eki ýchaskede sóndirilip jatyr.
Jeke avtotehnıka kedergi jasady, ózara is-qımyl qyzmetteri nysandy toktan ajyratý ústinde.
«Oqıǵa ornynda jeke quram qaýipsizdik tehnıkasyn saqtaı otyryp sóndirip jatyr. Óıtkeni qoımada jarylǵysh zattar bar. Jumysty sol qıyndatyp tur. Qala boıynsha jaǵdaı beınebaqylaý arqyly TJD baqylaýynda» dep habarlady vedomstvodan.
Órtti sóndirýge 92 maman men 25 tehnıka jumyldyrylǵan.
