Almatyda balalar úıindegi órt oqshaýlandy
ALMATY. KAZINFORM – Almatyda balalar úıiniń ǵımaraty órtendi.
Almaty qalasy TJD málimetinshe, balalar úıi aýlasyndaǵy ashana ǵımaraty janǵan. Ǵımaratta adamdar bolmaǵan. Al tárbıelenýshiler ýaqytyly evakýatsııalanyp, qaýipsiz qashyqtyqqa shyǵaryldy.
- Jedel shtab quryldy, jaǵdaıǵa turaqty baqylaý júrgizilip jatyr. Sondaı-aq órt ornyna qalanyń barlyq shuǵyl qyzmeti keldi. Qazirgi ýaqytta órttiń taralý qaýpi joıyldy. Órt oqshaýlandy, - dep habarlady TJD.
Balalar úıiniń tárbıelenýshileri meshit ǵımaratyna ornalastyrylyp, tamaqpen qamtamasyz etilgen. Olarǵa Apattar medıtsınasy ortalyǵy jáne TJD dárigerleri men psıhologtary qajetti kómek pen qoldaý kórsetti.
Eske salaıyq, buǵan deıin Almaty qalasynda órt sóndirýshiler Naýryzbaı aýdany Altyn orda kóshesi boıynda ornalasqan ǵımarattaǵy órtti sóndirip jatqanyn jazǵanbyz.