Almatyda aýany lastaıtyn kólikter tekserilip jatyr: 21 júrgizýshi jazalandy

ALMATY. KAZINFORM – Almatyda ekologııalyq talaptarǵa saı kelmeıtin kólikter tekserilip jatyr.

Tekserý kezinde 131 avtokóliktiń shyǵaryndylary zerttelip, 21 júrgizýshi aýany lastaǵany úshin ákimshilik jaýapkershilikke tartyldy.

Reıdti Almaty polıtsııa departamentiniń jergilikti polıtsııa qyzmeti men «EKO Almaty» kompanııasynyń mamandary birlesip ótkizdi. 4-5 qazan kúnderi jyljymaly ekologııalyq zerthana arqyly zamanaýı gaztaldaǵysh jáne tútin ólshegish quraldar paıdalanyldy.

Almaty polıtsııa departamentiniń málimetinshe, is-shara ekologııalyq qaýipsizdikti qamtamasyz etý jáne qorshaǵan ortany qorǵaý baǵytynda júrgizilip otyr.

– Mundaı tekserýlerdiń basty maqsaty – tek zańbuzýshylyqty anyqtaý emes, sonymen qatar azamattardyń ekologııalyq mádenıetin arttyrý. Shahardyń aýasy – bárimizdiń ortaq jaýapkershiligimiz, - dedi Polıtsııa departamenti jergilikti polıtsııa qyzmeti basqarmasy bastyǵynyń orynbasary Tımýr Noǵaıbaev.

Eske salaıyq, buǵan deıin Almatyda ekologııalyq talaptardy buzǵan zaýytqa aıyppul salynyp, jumysy toqtatylǵan edi.