Almatyda ashana órtendi

ALMATY. KAZINFORM - Almatyda Súıinbaı dańǵyly boıynda ornalasqan ashanadan órt shyqty.

Kýágerler otqa oranǵan ashananyń vıdeosyn áleýmettik jelige saldy. 

Almaty qalalyq tótenshe jaǵdaılar departamentinen habarlaǵandaı, órt sóndirýshiler 16 naýryz kúni tańǵy saǵat 06:35-te Súıinbaı dańǵyly, 157/1 a meken-jaıyna jiberildi.

Oqıǵa ornyna jetken sátte bir qabatty ashananyń shatyry men oǵan japsarlas salynǵan úı-jaıdyń órtengeni anyqtaldy.

«Órttiń jalpy aýdany 150 sharshy metrdi qurady. Órt saǵat 07:10-da joıyldy. Órttiń sebebi anyqtalýda. Oqıǵa ornyna TJD jeke quramynan 35 adam jáne 11 tehnıka jumyldyryldy», - dep habarlady Almaty qalalyq TJD-nyń baspasóz qyzmeti.